Kremlin sözçüsü Dmitri Peskov Rusiyadakı daşqınlarla bağlı açıqlama verib.

Gundem.az bildirir ki, o, bu barədə jurnalistlərin suallarını cavablandırıb. Peksov qeyd edib ki, hazırda Rusiyada daşqın təhlükəsi qalır.

“Orenburq vilayətində daşqınlar azalmağa başlayıb, boş qalan çoxlu sayda evlər var. Lakin böyük su dalğaları Tümen bölgəsinə doğru irəliləyir. Bu baxımdan, böyük əraziləri su basması təhlükəsi hələ də qalmaqdadır”, - Dmitri Peskov bildirib.

O qeyd edib ki, xidmətlər səfərbər edilib və məsələyə xüsusi diqqət yetirilir. Kremlin sözçüsü əlavə edib ki, mövzu ilə bağlı mütəxəssislərin rəyini gözləmək lazımdır. (Sfera.az)