WhatsApp tərtibatçıları Meta VR qulaqlıqları vasitəsilə avtorizasiya dəstəyini əlavə etməyi planlaşdırırlar.

Gundem.az xəbər verir ki, bu barədə WABetaInfo portalı məlumat yayıb .

Mənbənin bildirdiyinə görə, WhatsApp for Android beta versiyası 2.23.13.6 mövcud messencer hesabını Meta Quest qulaqcıqları ilə əlaqələndirdiyi qeyd olunur. Bununla belə, hazırda yenilik hələ inkişaf mərhələsindədir və həvəskarlar bunu təsdiqləyə bilməyiblər.

Bu səbəbdən WhatsApp və VR qulaqlıq arasında əlaqənin necə işləyəcəyi məlum deyil. Həmçinin messencerin VR rejimi ilə uyğun gələn qulaqlıqların siyahısı açıqlanmayıb.

Yeniliyin yaxın vaxtlarda test rejimində işləyəcəyi gözlənilir.

Keçmişdə “WhatsApp” tərtibatçıları “Ray-Ban Stories” smart eynəkləri vasitəsilə messencerə qoşulmaq imkanı əlavə etmişdilər ki, bu eynəklərlə istifadəçilər səsli zənglər edə, mesaj göndərə və dinləyə bilərdilər.