"Apple" geriləyir - Gəlirlərin hesabatı
"Apple" iyul-sentyabr ayları üçün balans hesabatını açıqlayıb.
Gundem.az xəbər verir ki, "Apple" şirkəti tərəfindən edilən açıqlamaya görə, balansında iyul-sentyabr dövrünü dördüncü rüb olaraq qəbul edən şirkətin gəliri keçən ilin eyni dövrü ilə müqayisədə təxminən 1 % azalaraq 89,5 milyard dollara düşüb. Şirkət ötən ilin eyni dövründə 90,2 milyard dollar gəlir əldə edib. Beləcə, şirkətin gəlirləri ardıcıl 4-cü rübdür ki, azalıb. Bu dövrdəki azalmaya baxmayaraq, bazar gözləntilərinin üzərində olan gəlirin 89,3 milyard dollar olacağı təxmin edilirdi.
"Apple"ın xalis mənfəəti iyul-sentyabr dövründə əvvəlki ilin eyni dövrünə görə 10,8 % artaraq 22,96 milyard dollara çatıb. Şirkətin xalis mənfəəti ötən ilin eyni dövründə 20,72 milyard dollar olub.
Şirkətin səhm üzrə mənfəəti də qeyd olunan dövrdə 1,29 dollardan 1,46 dollara yüksəlib.
Bu dövrdə "Apple"ın smartfon satışları artarkən, planşet və kompüter satışları azalıb.
Son xəbərlər
Ən çox oxunanlar
- Bu gün
- Bu həftə
- Bu ay