Moskvanın Taqanski Rayon Məhkəməsi "Telegram" messencerini 4 milyon rubl cərimələyib.

Gundem.az xəbər verir ki, bu barədə məhkəmənin mətbuat xidməti məlumat yayıb.

"Telegram Messenger Inc." sənədin 2-ci hissəsinə uyğun olaraq inzibati xəta törətməkdə təqsirli bilinir. Rusiya Federasiyasının İnzibati Xətalar Məcəlləsinin 13.41-ci maddəsinə əsasən o, 4 000 000 (dörd milyon) rubl məbləğində inzibati cərimə cəzasına məhkum edilib", - məlumatda deyilir.

Protokoldan belə görünür ki, şirkət xüsusilə Rusiya ordusu ilə bağlı yalan məlumatların, habelə ekstremist fəaliyyətə və ölkədə sabitliyin pozulmasına haqq qazandırmağa yönəlmiş məlumatların silinməsi üçün tədbirlər görməyib.

2023-cü ilin avqustunda "Telegram Messenger Inc." Rusiya Federasiyasında ilk dəfə olaraq rusiyalı istifadəçilərin məlumatlarını lokallaşdırmaqdan imtina etdiyinə görə cərimələnib. Cərimə 50 min rubl təşkil edib.