Kremlə hücum Rusiya tərəfindən təşkil edilib?
“Mayın 3-nə keçən gecə Kremlə pilotsuz uçuş aparatları (PUA) ilə edilən hücum Rusiyanın özü tərəfindən təşkil edilə bilər”.
“Qafqazinfo” xəbər verir ki, bu barədə məlumat ABŞ-nin Müharibə Tədqiqatları İnstitutunun (ISW) yaydığı hesabatda yer alıb.
Məlumata görə, Rusiya ölkədə daha geniş səfərbərlik üçün şərait yaratmaq üçün belə bir hücumu təşkil edə bilər: “Moskva, həmçinin bununla Ukraynaya qarşı müharibə aparmağın vacibliyini Rusiyanın daxili auditoriyasına çatdırmağa çalışıb”.
Analitiklərin fikrincə, bir neçə əlamət Kremlə PUA-larla hücumun Rusiyanın daxili qüvvələri tərəfindən məqsədyönlü şəkildə həyata keçirildiyinə işarə edir: “Rusiya rəhbərliyi bu yaxınlarda Moskva da daxil olmaqla öz hava hücumundan müdafiə sistemininin gücləndirilməsi istiqamətində addımlar atıb. Buna görə də, iki pilotsuz uçuş aparatının bir neçə hava hücumundan müdafiə eşelonunu keçərək birbaşa Kremlin üzərində vurulması inandırıcı görünmür”.
Xatırladaq ki, Rusiya tərəfi martın 3-nə keçən gecə Ukraynanın PUA-larla Kremlə hücum etməyə cəhd etməsi barədə məlumat yayıb. Bildirilir ki, rusiyalı hərbçilər Kremlə yaxınlaşan iki PUA-nı zərərsizləşdirib. Ukrayna isə hücumun Kiyev tərəfindən təşkil edildiyini təkzib edib.
Son xəbərlər
Ən çox oxunanlar
- Bu gün
- Bu həftə
- Bu ay