37 yaşlı məşhur alman hücumçu Maks Kruse ötən payızda “Paderborn”dan rəsmi şəkildə vidalaşsa da, futbola qayıtmaq qərarına gəlib.

Gundem.az-ın xarici mediaya istinadən xəbərinə görə, o, Almaniyanın 9-cu divizionunda mübarizə aparan "Əl Dəmirspor"un formasını geyinəcəyi üçün həvəskar futbola qayıdıb.

Bu, 2003-cü ildə qurulan türk-alman klubudur. Klub rəhbərliyi ev qonşusu olan məşqçi Güvən Akpolatın köməyi ilə Kruzeni oynamağa razı sala bilib.

"Ona sevimli 10 nömrəsini verə bilməyəcəyik, bu artıq alınıb, amma bazar günü o, start heyətdə olacaq, Kruze komandanı kapitan sarğısı ilə meydançaya çıxaracaq", - Akpolat deyib.

Kruse karyerasını bitirdikdən sonra tamamilə rahatlaşıb, buna görə də bu klubla müqavilə bağlamazdan əvvəl 100 kiloqram çəkisi olduğunu bildirib.

"Ümid edirəm ki, klubun XXXL köynəkləri var" deyən ulduz hücumçu zarafat edib, o, qarşıdakı həftələrdə məşq və oyunlar vasitəsilə fiziki formasını bir qədər yaxşılaşdırmaq istəyir.

Məşqçi Akpolat, Kruseyə klubun qaydaları haqqında məlumat verildiyini, Almaniyanın aşağı liqalarında adət edildiyi kimi, bir qutu pivə alacağını, lakin qəlyandan istifadəni dayandırmalı olduğunu söyləyib.

“Ona dedik ki, o, qəlyanla soyunub-geyinmə otağına girə bilməz, burada hər bir klubda olduğu kimi, o, məşqə gecikəndə komanda fonduna 10 avro ödəyəcək”, - Akpolat vurğulayıb.

Kruse demək olar ki, bütün karyerasını Almaniyada keçirib. Bundesliqada o, "Verder Bremen", "Sankt-Pauli", "Frayburq", "Borussiya Münhenqladbah", "Volfsburq", "Union Berlin" və "Paderborn"da yüzdən çox qol vurub.

Kruse Almaniya yığmasında 14 oyuna çıxıb və 4 qol vurub.