Büdcəyə proqnozdan artıq vəsait daxil olub - RƏSMİ
“Azərbaycan Respublikasının 2021-ci il dövlət büdcəsinin icrası haqqında” Azərbaycan Respublikası Qanununa əsasən 2021-ci ildə dövlət büdcəsinin kəsiri 1026135,2 min manat təşkil edib, Hesablama Palatasına təqdim edilmiş “2021-ci il yanvar-dekabr ayları üzrə dövlət büdcəsinin kəsirinin maliyyələşmə mənbələrinin icrası haqqında məlumata”a əsasən, dövlət büdcəsi kəsirinin maliyyələşdirilməsinə özəlləşdirmədən daxilolmalar üzrə 112730,5 min manat vəsait yönəldilib ki, bu da büdcə kəsirinin maliyyələşdirilməsinə tələb olunan vəsaitin 11,0 %-ni təşkil edib.
Gundem.az xəbər verir ki, bu barədə Hesablama Palatasının 2022-ci il üzrə fəaliyyət hesabatında qeyd olunub.
Nəticədə bu mənbə üzrə dövlət büdcəsinə 2021-ci ildə proqnozdan 1730,5 min manat və ya 1,6% çox vəsait daxil olmuşdur. 2021-ci ildə özəlləşdirmədən daxilolmalar 2020-ci ilin icrasından (61485,6 min manat) 51244,9 min manat və ya 83,3%, 2019-cu ilin icrasından (93692,3 min manat) isə 19038,2 min manat və ya 20,3% çox olub.
“Azərbaycan Respublikasının 2022-ci il dövlət büdcəsi haqqında” Azərbaycan Respublikasının Qanununda dövlət büdcəsi kəsirinin yuxarı həddi 3063000,0 min manat məbləğində müəyyən edilmişdir ki, bundan kəsirin maliyyələşmə mənbəyi olaraq özəlləşdirmədən daxilolmalar 114000,0 min manat məbləğində nəzərdə tutulub.
Son xəbərlər
Ən çox oxunanlar
- Bu gün
- Bu həftə
- Bu ay