Bu gün Azərbaycan Premyer Liqasında 11-ci tura yekun vurulacaq.

Gundem.az xəbər verir ki, son oyun gününün yeganə matçında “Araz-Naxçıvan” “Qarabağ”ı qəbul edəcək. Ağdam təmsilçisi qələbə qazanacağı təqdirdə vahid lider olacaq. Çempionatın sürpriz komandalarından hesab edilən və 4-cü sırada qərarlaşan meydan sahibləri isə bu görüşdən də xal və xallarla ayrılmağı hədəfləyirlər.

Turun son oyunu Tofiq Bəhramov adına Respublika stadionunda baş tutacaq.

Qeyd edək ki, turun digər oyunlarında “Zirə” “Səbail”lə (2:2), “Sumqayıt” “Qəbələ” ilə (0:0) bərabərə qalıb, “Turan Tovuz” “Kəpəz”ə (4:0), “Sabah” isə “Neftçi”yə (1:0) qalib gəlib.

Azərbaycan Premyer Liqası, 11-ci tur
30 oktyabr

19:00 Araz-Naxçıvan – Qarabağ
Hakimlər: Əliyar Ağayev, Zeynal Zeynalov, Akif Əmirəli, Rəşad Əhmədov.
Hakim-inspektor: Ceyhun Haşımov.
AFFA nümayəndəsi: Aslan Şahgəldiyev.
Tofiq Bəhramov adına Respublika stadionu.