Lionel Messi 2023-cü ilin “Qızıl top” mükafatını alaraq eyni anda bir neçə rekorda imza atıb. 

Gundem.az-ın xarici mediaya istinadla xəbərinə görə, birincisi, argentinalı rekord səkkizinci dəfə bu mükafatı qazanıb.

Bundan əlavə, “İnter Mayami”nin 36 yaşlı hücumçusu ftarixdə Avropa çempionatından olmayan komandanı təmsil edərkən "Qızıl top"u alan ilk oyunçu olub. Qeyd edək ki, 1956-1994-cü illərdə kubok yalnız avropalılara verilib.

Üçüncü nailiyyət isə Messinin aldığı “Qızıl top” mükafatlarının sayına görə ölkəsini ön sıralara çıxarması oldu. Məlumata görə, Argentina bu göstəricidə daha əvvəl Almaniya, Fransa, Hollandiya və Portuqaliya ilə birlikdə birinci yeri bölüşürdü ki, onların oyunçuları ümumilikdə 7 “Qızıl top” qazanıblar. İndi Argentinanın 8 mükafatı var və hamısı bir oyunçuya - Lionel Messiyə məxsusdur.