"Əl-Nəsr"in futbolçusu Kriştiano Ronaldo maraqlı hərəkətiylə gündəmə gəlib

Gundem.az xəbər verir ki, o, Səudiyyə Ərəbistanı Kral Kubokunun 1/8 final mərhələsi çərçivəsində keçirilən "Əl-İttifaq"la görüşdə (1:0) diqqət mərkəzinə düşüb. Hörüşün 45+4-cü dəqiqəsində hakim Ər-Riyad təmsilçisinin futbolçusu Talişkanın vurduğu qolu qeydə almayıb.

Bu, Ronaldonun xoşuna gəlməyib. 38 yaşlı forvard rəsmi şəxslərin - Səudiyyə Ərəbistanı Futbol Federasiyası rəhbərlərinin olduğu istiqamətə çevrilərək hakimin əvəzlənməsini istəyib.

Ronaldonun bu hərəkəti kameraların diqqətindən yayınmayıb.