Arutyunyan dindirilmək üçün çağrıldı: Buna görə CAVAB VERƏCƏK...
Qarabağdakı ermənilərin keçmiş "müdafiə naziri" Cəlal Arutyunyan dindirilmək üçün istintaqa çağrılıb.
Gundem.az xəbər verir ki, bu barədə Ermənistanın "Joğovurd" nəşri məlumat yayıb.
Bildirilib ki, separatçıların "general"ı 44 günlük müharibədəki uğursuzluqlara görə dindiriləcək.
Onun əsas iki fakt üzrə ifadə verəcəyi vurğulanıb. Məlumata görə, Cəlal Arutyunyanın ifadə verməli olduğu faktlardan biri də 60 nəfərin müəmmalı şəkildə məhv olması ilə bağlıdır.
Müharibənin ilk günlərində 20 artilleriya heyəti bir neçə saatın içində məhv edilib. İndi "general" həmin artilleriya heyətinin təhlükəsizliyinin təmin olunmaması faktına görə ifadə verməlidir.
Məlumata görə, 47 yaşlı Cəlal Arutyunyana qarşı ittihamın digəri 7 oktyabr döyüşləri ilə bağlıdır:
"Məhz onun əməlləri nəticəsində oktyabrın 7-də əks-hücum zamanı erməni birləşmələri xeyli canlı qüvvə və hərbi texnika itkisi verib. Ehtiyatda olan birləşmələr isə mühasirəyə düşüb. Atəş mövqeləri isə Azərbaycan Ordusunun nəzarətinə keçib” - deyə nəşrin yaydığı məlumatda bildirilir. (publika.az)
Son xəbərlər
Ən çox oxunanlar
- Bu gün
- Bu həftə
- Bu ay