Nigeriyada silahlı şəxslər şənbə gecəsi bir imam da daxil olmaqla ondan çox ibadətçini qətlə yetirib və daha bir neçə nəfəri məsciddən qaçırıblar.

Gundem.az xəbər verir ki, şahidlərdən birinin Reuters agentliyinə verdiyi məlumata görə, yaraqlılar motosikletlərlə Maygamji məscidinə qədər gəlib və fərq qoymadan atəş açaraq qətlə yetiriblər.

Gecə namazında iştirak edən təxminən 12 nəfər atəşə tutulub və baş imam da daxil olmaqla öldürülüb.

Katsina əyalət polisinin sözçüsü Qambo İsah hücumu təsdiqləyib və bəzilərinin xilas edildiyini bildirib.

Katsina, Nigeriyanın şimal-qərbində qonşu Nigerlə həmsərhəd olan bir neçə ştat arasındadır ki, bu da dəstələrin iki ölkə arasında sərbəst hərəkət etməsinə imkan verir.