Günü-gündən yollarda avtomobillərin sayı artır. Eyni zamanda avtoparkımız da yenilənir. Maşın çoxluğunun isə həm müsbət, həm də mənfi tərəfləri var.

Rahatlıq və mənzilbaşına tez çatmaqla yanaşı, yüksək sürət, eyni zamanda qaydalara əməl etməmək qəzalara səbəb olur.

Psixoloqların fikrincə, insanların xasiyyəti və davranışları onların avtomobil idarə etməsinə birbaşa təsir edir. Astroloqlar isə iddia edirlər ki, insanların hansı bürc altında doğulmaqları onların xasiyyətlərinə, dolayısı ilə avtomobil etmələrinə təsir edir.

Astroloqlara görə, avtomobili sürətlə idarə etməyi sevən daha çox Şir bürcünün nümayəndələridir. Maraqlı orasındadır ki, bir çox ölkələrdə bu istiqamətdə araşdırmalar aparılıb.

Baş verən qəzaların səbəbkarları üzərində aparılan araşdırmalar zamanı məlum olub ki, ən çox yol qəzasına səbəb olan və sürət həddini aşan məhz Şir bürcünün nümayəndələridir.

 

Bundan başqa, yollarda ən çox qayda pozan və heç nəyə əhəmiyyət verməyən bürc isə Tərəzilərdir. Bu səbəbdən də, Şir və Tərəzi bürcü altında doğulan sürücülər daha çox qayda pozur, qəzaya səbəb olurlar.