Ruhr Universitetinin (Almaniya, Bohum) mütəxəssisləri yeni araşdırmada insanların hansı yaşda ən xoşbəxt və həyatlarından razı olduqlarını müəyyən ediblər.

Gundem.az Lent az-a istinadən bildirir ki, alimlər yeni araşdırmaya 460 min insanın məlumatlarını cəlb ediblər. Onlar subyektiv rifahın üç mərkəzi komponentinin, o cümlədən həyatdan məmnunluq, müsbət və mənfi emosional vəziyyətlərin necə dəyişdiyini araşdırıblar.

Məlum olub ki, 9-16 yaş arasında həyatdan məmnunluq sürətlə azalır. Bu, yetkinlik ilə bağlı qidalanma və sosial həyatda baş verən dəyişikliklərlə əlaqədardır. Daha sonra yeniyetməlikdən 70 yaşa qədər artır. Lakin 96 yaşa çatdıqdan sonra bu göstəricidə yenidən azalma qeydə alınır. Bu, fiziki performansın azalması, sağlamlığın pisləşməsi, sosial əlaqələrin azalması və həmyaşıdların getməsi ilə izah olunur.

Maraqlıdır ki, müsbət emosional vəziyyətlərdə azalma 9 yaşdan 94 yaşa qədər qeydə alınıb, lakin mənfi olanlar 9 yaşdan 22 yaşa qədər bir qədər dəyişir, 60 yaşa qədər azalır, sonra yenidən artır.

Alimlərin fikrincə, insanların həyatı boyu həyatdan məmnunluqla müqayisədə müsbət və mənfi emosiyalarda daha ciddi dəyişikliklər olur.