İnsanların bir çoxu rəsmi iş yeri olmadığına görə kredit əldə edə bilmir.

 

Bəs, banklar rəsmi iş yeri olmadan insanlara müəyyən kredit güzəştləri edə bilərmi?

Mövzu ilə bağlı Gundem.az-a danışan iqtisadçı-ekspert Xalid Kərimli bildirib ki, banklar kredit verən zaman müəyyən qiymətləndirmələr aparırlar.

“Bankların fəaliyyətində faiz sistemi böyük rol oynanır. Banklar pulun qrafikə uyğun faizlə qaytarılmasında maraqlıdır”.

Ekspert bildirib ki, insanların rəsmi iş yerinin olmaması və yaxud işsiz olması, həmin kreditin ödənilməsi üçün maneə hesab olunur. “Mərkəzi Bankın tələbi ondan ibarətdir ki, kreditin məbləği onun gəlirlərinin 40 faizini keçməsin. Kredit şərtlərinə əsasən insanların stabil gəlirinin olması önəmlidir. Əgər rəsmi əməkhaqqı yoxdursa müəyyən depozit və yaxud icarə haqqı gəliri olmalıdır”.