Azərbaycanda növbədənkənar prezident seçkiləri ilə bağlı səsvermə prosesi davam edir. Səsvermə saat 19:00-da başa çatacaq.

Gendem.az xəbər verir ki, alq artisti, müğənni Faiq Ağayev də bununla bağlı Sfera.az-a açıqlama verib.

O, hazırkı saatlarda səsvermə prosesində iştirak etdiyini deyib:

“Vətəndaşlar səsvermə hüququndan istifadə edir, məntəqələrdə yetərincə insanlar var idi. Hər şey çox sakitdir. Bir narazılıq müşahidə etmədim”.

Xalq artisti əlavə edib ki, vətəndaşlar istəyərək və gülümsəyərək səsvermədə iştirak ediblər:

“İnsanlar bir-birinə xoş söz deyə-deyə səs verirdi”.

Digər müsahibimiz Əməkdar artist, rejissor Nicat Kazımov saytımıza açıqlamasında səsvermə hüququndan istifadə etdiyini vurğulayıb:

“Hər şey çox normal, gözəl idi. Ümid edirəm, hamının istədiyi şəxs prezident seçiləcək. Ölkəmiz daha da gözəl günlər görəcək. Uğurlu olsun”.