“Apple” yeni və köhnəlmiş “iPhone”lar üçün iOS 17.4.1 və iOS 16.7.7 əməliyyat sistemlərin üzrə yeniləmələri buraxıb. 

Gundem.az “MacRumors”a istinadən xəbər verir ki, şirkət bu yeniləmələri mümkün qədər tez etməyi məsləhət görür.
“MacRumors” bu tövsiyəni əvvəlki iOS 17.4 versiyasının uğurlu olmaması ilə əlaqələndirir. Əvvəlki versiyanı işlədən “iPhone” sahiblərinin telefonunda akkumulyatorun daha tez zəifləməsi, eləcə də mobil əlaqənin pozulması halları müşahidə edilib. 

Buraxılmış yeniləmənin ölçüsü 400 MB-dır. Telefonda iOS 17.4.1 və iOS 16.7.7 quraşdırmaq üçün “Parametrlər” → “Ümumi” → “Proqram təminatının yenilənməsi” hissəsinə keçmək lazımdır. 
“MacRumors”un məlumatına əsasən yaxın vaxtlarda yeni “iPhone” modelləri ilə yanaşı iOS 18 əməliyyat sistemi də təqdim olunacaq. Təqdimatın bu ilin sentyabrında keçirilməsi gözlənilir. İddialara görə bu, “Apple” tarixində ən böyük yeniləmə olacaq. Çünki dəyişikliklərin əksəriyyəti süni intellektə həsr olunacaq.  (Sfera.az)